Sunday, October 30, 2011

منتيش ملاك



منتيش ملاك
وأنا مش شيطان
ولقانا كان حكمه وقدر
عايزانى ليه
أطلع صليب
وأغفر خطيئه البشر؟
آدم صحيح إن كان خطى
فالضعف كان سر الخطيئه
لكنه تاب لم كفر
وأنا مش برىء
..يا حبيبتى
وإنتى مش بريئه
شايفانى ديب؟
والشوف مهوش كل الحقيقه
ما ديب يوسف
برىء منه
وابوه اللى بعيد عنه
بقلبه يشوفه لساه حى
شوف القلوب معجزه
وإنتوا بصحيح عجزه
ما بتلمحوا الخطوه
وعيونكوا فيها الضى
ومريم صحيح ام المسيح
لكنها عدرا وبتول
يوسف ..
يا اللى رموك ف البير
إشهد وقول
قلب الديابه ارحم
ولا اللى بينهم دم؟
يا عدرا مين كان صدقك
لولا الرضيع ينطق
يخرس لسان الذم؟
وأنا .. لسّانى
جوه البير
لا جانى واردهم
ولا نطق عنى
غير قلب قال باحلم

7 comments:

AHMED SAMIR said...

الملائكة لا تسكن الأرض

candy said...

روعة على فكرة :)

وإيه كل الاقتباسات الدينية دى ؟؟ :)

والحتة دى جميلة قوى

شايفانى ديب؟
والشوف مهوش كل الحقيقه
ما ديب يوسف
برىء منه
وابوه اللى بعيد عنه
بقلبه يشوفه لساه حى
شوف القلوب معجزه

بس التوحيد بين التاء والهاء لخبطنى :)

جارة القمر said...

بقالى كتير ماجتش هنا

حلوة اوى اوى الكلمات دى

عجبانى جملة
الشوف مهوش كل الحقيقة

واقعية جدا

تسلم افكارك

Uouo Uo said...


thx

كشف تسربات المياة
غسيل خزانات
شركة نظافة عامة

roba gad said...

ممتاز




http://prokr.com/furniture-moving-company-jeddah/
http://shoala.net/

roba gad said...

ممتاز

http://prokr.com/furniture-transfer-movers-company/
http://prokr.com/company-detect-water-leaks-riyadh/

قمة الدقة said...

شركة مكافحة حشرات بالرياض
شركة تنظيف موكيت بالقطيف