Tuesday, February 08, 2011

إرحل إرحل


إرحل إرحل
يلا و غور
ما احنا خلاص
هدينا السور
مش راح تقدر
تمنع نور
شمس بلادنا
من دى اللحظه
********

طول العمر
بلادنا الحره
مش بتراهن
غير ع الثوره
لم ديولك
غور على بره
إما هنحفر
ليكوا قبور
ارحل ارحل
يلا وغور

********
طول العمر
بتسرق خيرنا
بس بلدنا
ملهاش غيرنا
ومن اليوم
فى ايدينا مصيرنا
دوله جديده
ليها دستور
إرحل إرحل
يلا وغور
********

مصر مهيش
بلدك دى بلادى
ليا ومن بعدى
لأولادى
والله هترحل
يعنى هترحل
مهما تلف
ومهما تدور
إرحل إرحل
يلا وغور
********

إطلق كل
كلابك فينا
قولوا وعيدوا
وزيدوا علينا
دم الشهدا
حرر سينا
جه دلوقتى
عليك الدور
إرحل إرحل
يلا وغور

Posted by at 7:09 PM

2 comments:

مجرد حلم صغنتوت said...

دم الشهدا
حرر سينا
جه دلوقتى
عليك الدور

صعبة اوي لما نكون بنفتخر ان دم الشهدا هو اللي حرر سيناء علشان كانو بيحاربو عدو من بره.. ودلوقتي للاسف بقو شهدا علشان اتقتلو على ايد اخواتهم المصريين
ايه اللي حصل للبلد دي

ربنا معاهم ومعانا ونقدر نغير مستقبلنا ومستقبل مصر كلها

تسلم ايدك يا محمد.. تنفع شعارات للمظاهرات والله :)

09 February, 2011 17:27
Anonymous said...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

17 February, 2011 09:56

Post a Comment

Subscribe to: Post Comments (Atom)