Thursday, November 18, 2010

أنا وعدك

أنا وعدك


أنا الحر اللى
وعده دين
أنا وعدك
وأنا واعدك
أكون عاشقك
ليوم الدين
أكون ليكى
كما ضلك
وحبك ليا
يهديكى
ولا يضلك
وحبى ليكى
يكون هوا
اللى فاضل لك
وأكون حلمك
وتجسيده
وقلبك أكون
أنا عيده
أكون الحاضر
الأجمل
وأكون الجاى
بجديده
أكون الراحه
وأمانك
أكون من جوه
إنسانك
وكلمه حق
ف لسانك
أكون بسمه
على شفايفك
أكون نسمه
على خدودك
أكون غنوه
على عودك
أكون فى الدنيا
دى وجودك
أكون الضى
لعيونك
أكون فى الجد
انا عقلك
وأكون ف الحلم
أنا جنونك
أكون نجمه
تنور سكه
لو عتمه
ووقت الشده
والأزمه
أكون مددك
أكون سندك
ومهما تلفى
فى الدنيا
أكون بلدك
فعيشى فيا
وإتهنى
بقلبى عيشى
وإتمنى
بصوتى للحياه
غنى
وهاتى ايديكى
فى إيديا
حبيبتى قربى
منى
وإحكى للبشر
عنى
قولى لهم
أحلى ما فيا
بصحيح حاجتين
انا وعدك
وانا واعدك
أكون عاشقك
ليوم الدين

5 comments:

خواطر شابة said...

اولا اضحى سعيد ينعاد عليك بكل الخير دوما ان شاء الله
تانيا الكلام جميل والكلام معقول مقدرش اقول حاجة عنه
ثالثا معرفش ليه وأنا بأقرأ كنت بأسمع الكلام في أذني بالقاء هشام الجخ الشاعر المصري لو تعرفه لاني في القاءه أحس دوما بصدق وان الكلام طالع من القلب
واحساسي بكلام قصيدتك ان لازم تتسمع بالقاء شبه هذا لان هذا يزيدها جمالا على جمالها
دمت بكل الود

مجرد حلم صغنتوت said...

عظمة على عظمة والله
انا ليه كنت عمالة اقرأ وانا حاسة الكلام كأني سمعته وعرفته قبل كده. مش عارفة بصراحة
كنت مخبي المواهب دي فين يا محمد :)

تسلم ايديك
بس خلي بالك من حاجتك بقى

L.G. said...

ههههههه تمام ولو انه كله اوهام بس وماله .. تمام
عجبتني كنت سامعة نفسي وانا بقراها مش كل الشعر تقدر تلقيه على الناس
ديه بقى جميلة
حبقى اسرقها بعدين بس متقلقش حقول بتاعة مين

شفت السجع
تحياتي

L.G. said...

هههههههههههه
تصدق بما اني زهايمر عجبتني كأني بقراها لأول مرة لقتني سايبة تعليق قبل كده انا حاخد منها نسخة احتياطي بأه
تحياتي
سماح

قمة الدقة said...

شركة مكافحة حشرات بالجبيل
شركة تنظيف سجاد بالقطيف