Monday, November 08, 2010

مبقتش حمل البعتره


أولا عن جد وحشتونى ووحشنى حتى انى انزل بوست بس فعلا مكانش فيه حاجه اكتبها ولا زال بس اهو بقى هاجى اصدعكم شويه وخلاص

ثانيا
كل سنه وانتى طيبه يا أموره كملتى عامك الرابع يوم 31 شهر اكتوبر الماضى ومجبتش ليكى تورته ولا عملت عيد ميلاد
مدونتى الحبيبه آسف على قله ذوقى لكن معلش لازم انتى تتحملينى انتى منى برضه

ثالثا
عيد سعيد عليكم مقدما لانى راحل يوم السبت القادم الى الاراضى الصحراويه وربى العالم هيكون فيه هناك نت ولا لأ هيكون فيه وقت ولا لأ هيكون فيه مزاج ولا لأ وكفايه لأ لأ لحد كده

رابعا
الى كل اخواتى المدونين أسف جدا انى مسألتش طول الفتره اللى فاتت بس مش هاقول اعذار بقى وكلام من كده بس بجد بتوحشونى ويارب تكونوا كلكم بخير وسعاده وعيد سعيد عليكم وعلى كل اللى بتحبوهم

خامسا
حته بقى ع الماشى طالما جيت اهو اى حاجه المهم انها اتكتبت وخلاص

------------------
مبقتش حمل البعتره



وماتدبحيش الامانى
لسه فى قلبى صغيره
-----------
لساها نور
بيشق سكه وسط هم
----------
وإلضمى عمرى سنين
حوالين رقبتك
---------
لسانى انفع اكون حبيب
لمينى لم
---------
الحب عمره
ما كان حساب
---------
ولا نص محفوظ
من كتاب
--------
ولا خط مرسوم
بالقلم والمسطره
-------
وبلاش حبيبتى
تبعترينى
--------
قلبى بيصرخ م الالم
مبقتش حمل البعتره

ملحوظه:-

قد لا أكون موهوبا لأكتب عنكى

ولكنى عاشق .....أكتب إليكى

15 comments:

ميرا ( وومن ) said...

اولا حمد الله علي السلامة
ثانياً كل سنة وانت بخير

ثالثاً البوست جميل جداً

تحياتي

فاتيما said...

(1)
انتا كمان وحشتنا يا غربااااوى
و عوداً حميداً


(2)
كل سنة و انتا و مدونتك بألف خير
و وسطنا و منور البلوجر كله


(3)
كل سنة و انتا طيب
و العيد الجاى تبقى بتحتفل بيه مع الحاجة و اخواتك و معاك بنت الحلال
و حامل ف كام شهر كدا
آه ..بحلملك ..و ان شاء الله يتحقق
بالنص و بحذافيره ..ليه لأ ؟!


(4)
و لا يهمك
و متعتذرش احنا مقدرين مشغولياتك
بس بنفتقدك و بنبقى عاوزين نطمن عليك و نتونس بيك


(5)


لسانى انفع اكون حبيب
لمينى لم



تنفع؟!!
تنفع و نص
و تلتبرع يا بنى


القصيدة رقيقة جدااااا
يخربيت كدا



(6)

ملحوظة ع الملحوظة
انتا شايف
انك قد لا تكون موهوب
لتكتب عنها
لكنك عاشق ..لتكتب لها

و اختك بقى
شايفة انك
عاشق
و موهوب
يا عزيزى



(7)
تسافر بألف سلامة
و بلاش تلاكيك
هتبقى لوحدك ف الصحرا
و ان شاء الله تلاقى نت
و تلاقى مزاج
و متقطعش بينا
كتير مننا زيك
احيانا
بنكون لوحدنا يا محمد
قوم لما نلاقى بعض
كل واحد يفضل لوحده برضو
و لا نتلم لما نلاقى فرصة ؟!!



(8)
متغطسش تانى كدا
و طمن اخواتك عليك


(9)
خلى بالك من نفسك



(10)
يلا سلام
مؤقتاً

خواطر شابة said...

اولا عود احمد نورت بلوجر
تانيا كل سنة ومدونتك طيبة وامنياتي لها بالاستمرار والتوفيق دوما ان شاء الله
ثالثا بلهجة بلدي اقول لك عواشرك مبروكة تعيد وتعاود ان شاء الله
رابعا لاداعي للاسف الكل يعرف الظروف ويقدرها
خامسا
الحب عمره
ما كان حساب
---------
ولا نص محفوظ
من كتاب
--------
ولا خط مرسوم
بالقلم والمسطره
صح معاك كل الحق الحب صعب تحديد ماهيته صعب وضع قواعد محددة ودائمة له صعب توقع نتائجه انه الغموض بعينه
سادسا تعجبني دوما الرسائل الموجهة احسها أصدق
سابعا دمت بكل الود

همس الاحباب said...

حمدلله على السلامة يا جاااااااى من السفر
كل سنة وانت ومدونتك بخير وعقبال 100 سنة تدوين
وكل سنة وانت طيب بمناسبة عيد الاضحى
ورائعة الخاطرة جدا تسلم الايادى

قد لا أكون موهوبا لأكتب عنكى ولكنى عاشق .....أكتب إليكى
امممممممم لا تعليق

rack-yourminds said...

كل سنه وانت طيب وبصحه وبسعاده وكل احبابك والاسره الكريمه

مجرد حلم صغنتوت said...

كل سنة وانت طيب يا محمد
وكل سنة ومدونتك منورة دايماً

حلو اوي البوست
كلامك زي الفل والله

واللي عاجبني اكتر كمان اخر سطرين
قد لا أكون موهوبا لأكتب عنكى
ولكنى عاشق .....أكتب إليكى

تيجي بالسلامة يا محمد
مستنيينك

بت خيخة وأي كلام said...

كل سنة وانت طيب يا غرباوي

ويارب تكون وصلت بالسلامة للاراضى الصحراوية اللعينة

واحشتنى على فكرة

وان شاء الله لما تنزل اجازة لازم نشوفك


سلام

اختك خيخة

رحلة البحث said...

ميرا وومن
الله يسلمك يا فندم
وشكرا على الزياره
نورتينى

رحلة البحث said...

فاتيما
اختى الكبيره - كبيره المقام
كل عام وانتى بخير
فعلا يا فاتيما مش بحي انى كتبت ولا انى اللى كاتبته حلو من غير تعليقك
ثانيا
شكرا على امنياتك الجميله يا طيبه
الحمد لله فيه نت
والحمد لله عدى اسبوع وباقى تلاته ربنا يهونهم
ثالثا
ان شاء الرحمن لما انزل نفسى اشوفكم جروب القاهره
شكرا على رفعك لروحى المعدنيه وكويس ان البوست عجبك

رحلة البحث said...

خواطر شابه
اولا اختى العزيزه
كما قلت سابقا لفاتيما انتى ايضا اشعر بسعاده بالغه عندما اجد تعليقك الذى يشجعنى دوما على الاستمرار
ف ميرسى بيكو --حته فرنساوى اهى ان شالله ما حد حوش---
وعواشرك مبروكه تعيدى وتعاودى ان شاء الله
ثانيا
اتفق معكى انا ايضا اعشق الرسائل الموجهه
دمتى بخير

رحلة البحث said...

همس الاحباب
اخى العزيز استاذ خالد
اشكرك على زيارتك الجميله
واتمنى اشوفك الاجازه الجايه وكان نفسى اشوفك فى بورسعيد لكن تتعوض باذن الله
كل عام وانت بخير وكل احبائك
وبالنسبه للا تعليق لا تعليق

رحلة البحث said...

وحيد
اخى العزيز كل عام وانت بخير وسامحنى على تقصيرى فى السؤال عنك
والله يا وحيد نفسى اشوفك ومش عارف ايه الشغل اللى اخدك مننا دا يا عم
كل سنه وانت طيب يا صديقى العزيز وعيد سعيد عليك وعلى الاسره الكريمه
ويارب يحقق لك كل ما تتمنى قبل العيد الجاى

رحلة البحث said...

مجرد حلم صغيور
ازيك يا دكتور دعاء
كل سنه وانتى طيبه وبصحه وسعاده
ربنا يكرمك على كلامك اللى زى الفل مش كلامى انا
وان شاء الله نشوفك على خير
السطريين طلعوا حلويين اوى اكتر مما كنت متخيل
:)

رحلة البحث said...

الاخت العزيزه خيخه
والله ما صدقت نفسى وحاسس انى عاوز اعمل حفله هنا فى المدونه واضرب نار
خيخه بنفسها هنا عندى يا خببببببببر
الحمد لله وصلت بالسلامه والنهارده اتم اول اسبوع ويتبقى تلاته
والله انتى كمان وحشانى شوفتك وانتى عارفه الظروف
بس الاجازه الجايه لازم ان شاء الله اشوفكم
وكل سنه وانتى طيبه وشريف وفى سعاده وصحه ورضا انتى وكل احبائك يارب
وهانت باذن الله نلتقى قريب على خير

قمة الدقة said...

شركة مكافحة حشرات بالاحساء
شركة مكافحة النمل الابيض بالقطيف