إهدا إلى
روح الشهيد
خالد سعيد
تعرف يا خالد
إنى ما كنتش
اعرفك
بس اكيد
دلوقتى نعرف
بعض جدا
أيوه أكيد
ما أنا اسمى
غيرته وبقيت
خالد سعيد
******
أنا شاب
مصرى
بكى عليك
وطلع مظاهره
ووقفه صامته
وحلف ما يسكت
الا لما يجيب
حقك إليك
وبرضه ليا
ما أن وانت واحد
خالد سعيد
******
تعرف يا خالد
ان لسه
مفيش جديد
الظلم لسه
هوا هوا
كاتم على
نفس البلد
وماسكها
بالنار والحديد
******
بس الجديد
إن روحك البريئه
فوقتنا ع الحقيقه
فهمتنا انه لازم
نبقى واحد
نبقى ايد
واحده واقفه
فى وش
أى ظلم
مهما كان
طاغى وشديد
******
خالد انا
حاسس وعارف
انك اكيد
بتحس بينا
وسامع وشايف
عاوز اقولك
ان زمان
كنت باخاف
دلوقتى أنا
مبقتش خايف
********
وانا باوعدك
والوعد دين
ما هانام ولا
تغفل لى عين
الا لما الحق
يرجع
لما شمس العدل
تطلع
لما كل الدنيا
تسمع
ضحكتك جايه
من بعيد
إمضاء
خالد سعيد
4 comments:
جااامدة جدا يا محمد بجد
:)
شيرها فى البيدج بتاعة الحداد
ازيك يا باشمهندس
جميلة قوي
مرثية جميلة
عاوزين مرثية للبلد كلها
كنت لسه ها أعلن عن بنك الدم الي انت كتبت عنه لقيتك كتبت البوست ده
فمن فضلك تنزله بكره كمان مرة علشان نعلن عنه
فكرة لوزعية ورااااااااااائعة
تحياتي
جميل جداً
الله يرحمه ويرحمنا بجد من الافترا والاستخفاف بالعقول والبهدله دي
السلام عليكم
حسبنا الله ونعم الوكيل
لا للفساد لاللظلم
لا للحكومه الفاسده لا للحكم الظالم
وفقكم الله
Post a Comment