قرأت منذ حوالى شهر رساله لقارىء على صفحات جريده المصرى اليوم يروى فيها انه من سكان القاهره و انه يمتلك قطعه ارض فى محافظه دمياط وذهب لمعاينه الارض وبجوارها غرفه بها محولات كهرباء او شىء من هذا القبيل ودخلها لغرض ما فوجد بها ملابس وبعض اوانى الطعام مما يدل على ان احدا يسكن بها ولكن لم يجد احد وعندما امعن النظر وجد هيكلا عظميا ممدا على سرير وعندما سأل أهل المنطقه قالوا انهم كانوا يشتمون رائحه تحلل منذ بضعه شهور لكنهم ظنوا انها جثه قطه او كلب
الى هنا تنتهى القصه وتزامنا مع جثث المصريين الاتيه فى نعوش طائره من كل أنحاء العالم كتبت هذا البوست
يا ست الكل
يا ست الكل
يا سقيانى المرار والذل
أنا شفت العذاب ألوان
يا ست الكل
وأنا فى حضنك
ومتشعلق فى جلابيتك
منيش حاسس بأى أمان
يا ست الكل
أنا باتهان
فى كل مكان
من الدنيا
على فكره
أنا مطعون فى ألمانيا
وجثه راجعه م السودان
ومدبوح هنا فى ليبيا
وأشلاء جايه م اليونان
وقاتلينى فى نيجيريا
وجلدينى فى أرض نبينا
ومصلوب حتى فى لبنان
يا ست الكل مش سامعه؟؟؟
ما كل الكون أهو سامع!!!؟
يا ست الكل أنا إبنك
ومش لاقيانى فى الشارع!!!؟
يا ست الكل أنا كفنى
صبح أحلام وأمنيه
ومتريين أرض لجل الدفن
على أرضك رفاهيه
يا ست الكل
ملحوظه
أنا إنسان
15 comments:
تحفففففففة
بجد تسلم ايدك
حلوة قوى
بجد بجد
يا محمد
الله عليك
أنا مطعون فى ألمانيا
وجثه راجعه م السودان
ومدبوح هنا فى ليبيا
وأشلاء جايه م اليونان
وقاتلينى فى نيجيريا
وجلدينى فى أرض نبينا
ومصلوب حتى فى لبنان
دى اكتر حتة وجعتنى
و عجبتنى
صباح الخير
جميله اوى
ياست الكل ملحوظه
انا انسان
بجد كلمات روعه
تحياتى
فاتيما
ازيك يا فندم والله مبسوط جدا لزيارتك الجميله دى وصراحه انا مكنتش عاوز اكتب بس اخدت يوين راحه ومسافر تانى الصحرا النهارده
وموجوع اوى من كل اللى بيحصل ساء فى مصر ولا فلسطين ولا العالم العربى كله
فلاقيتنى باكتبها
شكرا يا فندم على تشريفنا بالزياره وعلى الاطراء
الحب جميل
شكرا على الكومنت الجميل
وكويس انها عجبتك
فعلا مصر محتاجه نقولها ملحوظه لانها معدتش واخده بالها خالص
هى ست الكل وهتفضل على طول فى قلوبنا بس بجد محتاجه لفت انتباه كفايه اوى كده
تحياتى يا فندم ومنورنا دايما
رائع
ملحوظة أخرى ..
يا ترى انتي لسة ست الكل ؟
الله عليك
كلماتك رائعه
وبجد مدونتك جميله جدا
ياريت تنور مدمنتي
روووووعة جداا يا محمد بجد
:))
ايون كده عاوزين حاجات جامدة دايما
بص يا باشمهندس
تحفة
واكتر من تحفة
ممكن لو سمحت تبعتها لصفحة القراء بتاعة اليوم السابع
حقيقي ياريت تسعى لنشرها
موجعة جدا لكنها الحقيقة مع الأسف مع الألم
وست الكل مش سامعة
ولا ممكن في يوم تسمع
ما أصل الست مش راجعة
غير لمّا كلنا نرجع
خالص تقديري لقلمك المبدع و خالص إعجابي بالقصيدة الرائعة
تحياتي
KING TOOOT
يا ست الكل
أنا باتهان
فى كل مكان
من الدنيا
جميله وموجعه واكتر حاجه موجعه مش الموت فى حد ذاته
لكن الاهانه فهو موت يلازمكطول الحياه
تحياتى
حلوة اوى اوى يا سارة وحزينة ومؤلمة فى نفس الوقت
بس بجد كلمات غاية فى الجميل
تسلم ايدك
انا اسفة اظاهر ان التعليقات دخلت فى بعض
كلمات لو قرأها كل إنسان لبكى
تقبلوا مروري
اخيرا والحمد لله استطعت ان استعيد الانترنت هنا فى الصحراء الظريفه ودرجه الحراه قد جاوزت الخمسون درجه لكن الانترنت يهون الكثير صراحه امضيت اسبوعا لا تليفزيون ولا نت ولا اى اخبار عن العالم وكان اول ما فتحته هى مدونتى لارى تعليقاتكم الجميله
----------------------------------
Unique
اعتقد ستظل ست الكل دوما وان كان على الاقل فى قلوبنا نحن ابنائنا
شرفنى مرورك
-----------
ساسو
ميرسى بيكو يا فندم على المجامله وان شاء الله نتشرف بالقراءه ليكى
------------
ساره رحيل
يا رافعه من روحى المعدنيه دوما
انتى اللى بتكبى حاجات جامده احنا على قدنا
-----------
دكتور ستيته
يا فندم وجودك عندى بيسعدنى جدا
للاسف فعلا دايما الحقيقه موجعه خصوصا مع ست الكل بتاعتنا
بالنسبه للنشر اعتقد انى موصلتش لمستوى كويس من الحرفه باعتبر نفسى هاو واللى باكتبه لا يرقى انه يصنف شعر ولذلك لا افضل محاوله نشره خارج المدونه يعنى كفايه انكم مستحمليينى وبتقروا الكلام ده
منورانى يا دكتور دايما
-------------
كينج توت
اخيرا يا فندم شوفناك
فعلا لازم كلنا نرجع الاول
شرف ليا ان القصيده تعجبك لانك بجد شاعر رائع ويهمنى رايك
----------
امى الغاليه
عطش الصبار
فعلا يا ماما الاهانه اقسى من الموت والموت بمهانه لا يوجد ماهو اقسى منه
منورانى يا ماما وطمنينا عليكى دايما
----------
شفقه واحسان
اهلا وسهلا
انا مش ساره بس لو تقصدى ساره رحيل فياريت اكون فى ربع طيبه اختى العزيزه ساره
الحمد لله ان البوست عجبك وتسلمى يا فندم
-------------
شحاته
والله يا حماده قلوبنا بقت بتبكى م الوجع ليل نهار وربنا يصلح الاحوال لانى بجد خايف من بكره بلدنا ومش متخيل ايه تانى هيحصل
الاخ العزيز الغالي ازيك
اتمني تكون بالف خير
معلهش مقصر في السؤال بجد غصب عني
انت اخبارك ايه
احتمال ارجع ولو مؤقت للتدوين وهتلاقيني دايما عند يا غالي
في امان الله
Post a Comment