مقدمه لابد منها
على غير العاده بوست تفائلى على الرغم من انه يختلف تماما عن حالتى المزاجيه الآن ولكنى كتبته منذ أكثر من شهر
أعجبتنى حمله 30 يوم تدوين ومشاركه منى قد اكتب بعض البوستات ولكن ليس يوميا لان الناس اللى زيي كويس جدا لو كتبه اربع خمس بوستات فى شهر دا يبقى انجاز ويكون برضه كسرت القاعده وعدت للتدوين بشكل كبير
تحياتى لكل المشاركيين فى الحمله وبجد فكره رائعه لتعيد التدوين الى مكانه الطبيعى بالتوفيق للجميع
رميت الناى ومش عازف
لأنى خلاص منيش عارف
إذا كان حد بسمعنى
**********
خلاص قلمى أنا كسرته
وورقى كله بعترته
لأن عمرى ضيعته
بأدور على ضاع منى
**********
رميت ألوانى واللوحه
حياتى يا رسمه ممسوحه
زهقت أمشى على بقايا
نقوش محفوره جوايا
خلاص الصبر أنا بعته
وشارى مكانه ضحكايه
**********
وأقولك يلا خاصمينى
ولو بجميله تنسينى
ولا بينك ولا بينى
وهاعمل نفسى أنا ميت
وكأنك ما شوفتينى
**********
وأرمى من على كتافى
هموم أزليه حنيانى
ولو فكرتى تتعافى
عليا يا دنيا من تانى
هاقولك لأ كده كفايه
وأقولك درس مجانى
يا دنيا إنتى مش دايمه
وانا إنسانك الفانى
19 comments:
كلماتك وتعبيراتك رائعة جدا جدا كل ما ينقصك شوية صبر اثناء الكتابة للوزن ، لكن غالبية الارجوزة جامد عن جد ناقد مبتدأ ، لو انت بتقراها بطريقه ما ممكن تفصل بين كل فقرة وفقرة بفاصل وتكتبت تنويه
عذرا للتحليق بعيدا عن الموضوع
ندعوكم لمشاركتنا حملة إصلاح الجيل من أجل التحرير .
(حملتنا حملة أفعال مش بس كلام )
ونرجو منكم وضع لوجو الحملة فى المدونة
والتفاعل مع الحملة
ونفع الله بنا وبكم الأسلام والمسلمين
http://forelaqsa20.blogspot.com/
يا دنيا إنتى مش دايمه
وانا إنسانك الفان
طيب عرفنا الخلاصه نتعامل معاها على الاساس ده
لا ندور على ماضى احنا نبص للمستقبل بس سيب الماضى ده لينا
تحياتى
تعرف القاضي في مسرحية مدرسة المشاغبين لما قال لعادل امام ياعيني على الاضافة فأنا حأُقتبس منه وحأقولك ياعيني على البوست التفاؤلي الذي يقطر من طياته الامل والتفاءل هههه
وفعلا معك كل الحق الدنيا مش دايمة وكلنا مصيرنا الفناء
دمت بكل الود
ههههه هو كده التفاؤل ؟؟
اومال لو اتشائمت هتعمل ايه
يعنى انت رميت الناى ومش عازف وفى الاخر اكتشفت ان الدنيا مش دايمة وفانية .. يبقى نرمى اقلامنا وناياتنا ومندورش على الهموم
غلط طبعا
وبعدين ترمى الصبر وتشترى بداله ضحكاية ؟؟؟
روح رجع الضحكاية وهات الصبر يصبرنا ع اللى احنا فيه
بوصل كتير للحالة دى بس برجع اقول ربنا موجود
بغض النظر عن التفاؤل اللى فى الابيات .. فهى بجد جميلة .. :)
اول مرة اسمع عن تلك الحملة
لكن الشعر فعلا جميل و معبر بكلمات بسية لكنها ذات معانى عميقة
دمت بخير
رحلة البحث
سعدنا بالمرور فى هذه المدونه التى تنم عن عقل مرتب وروح فنان حساسه ولذلك نوجه لك هذه الدعوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com
ولو فكرتى تتعافى
عليا يا دنيا من تانى
هاقولك لأ كده كفايه
وأقولك درس مجانى
يا دنيا إنتى مش دايمه
وانا إنسانك الفانى
الله الله
حلوة
بس اساسا كل كتاباتك ما شاء الله حلوة
تقريبا العزلة الإجبارية في الصحرا ها تستدعي روح عنترة وجرير والفرزدق :)
تحياتي
الله الله
بجد كلمات في غاية الروعة
ممتاز اوي اسلوبك و تعبيرك
و كمان كلماتك معبرة اوي اوي
دمت في غاية الابداع و التميز يا رب
مدونتك جميلة اوي و ضيفتها عندي علشان اتابعها لانها تستاهل بجد
تقبل مروري الاول و ان شاء الله مش الاخير
خالص تحياتي و تقديري
السلام عليكم و رحمة الله
بصراحة يا بشمهندس
راااائعة بجد
ما شاء الله
وأقولك يلا خاصمينى
ولو بجميله تنسينى
ولو فكرتى تتعافى
عليا يا دنيا من تانى
هاقولك لأ كده كفايه
وأقولك درس مجانى
يا دنيا إنتى مش دايمه
وانا إنسانك الفانى
.......
تحياتى لقلمك المبدع
ولو فكرتى تتعافى
عليا يا دنيا من تانى
هاقولك لأ كده كفايه
وأقولك درس مجانى
يا دنيا إنتى مش دايمه
وانا إنسانك الفانى
ايوون فى الجوون بجد يامحمد
يالا عايزين من ده كتييييييييييير
روووووووووووووووووووعة
معنى ومغنى
رغم بعدي عن التدوين من فتره طويله بس ده مايمنعش اني بين وقت والثاني بدخل كذا مدونه من باب الفضول واطمن علي صحابها
مبروك عودتك للتدوين
يمكن انا قريت البوست ده اول ما انت كتبته خالص من فتره بس الكلام اخدنا وماقولتش رايي ليك بس انت عارفه
البوست اللي فات قريته وماعرفتش ارد زي ماقريت ده وبرضو مش عارفه ارد
عموما تسلم ايديك يامحمد
اه صحيح نسيت اعاتبك
ماكنش العشم ماتحطنيش في قايمتك المفضله
ولا هو علشان مش بدون يعني انا كده زعلت وبفكر امسح المدونه من بلوجر كله
رميت الناى ومش عازف
لأنى خلاص منيش عارف
إذا كان حد بسمعنى
**********
خلاص قلمى أنا كسرته
وورقى كله بعترته
لأن عمرى ضيعته
بأدور على ضاع منى
**********
رميت ألوانى واللوحه
حياتى يا رسمه ممسوحه
زهقت أمشى على بقايا
نقوش محفوره جوايا
وكفايه
مات الكلام
كلمات جميله
جدا
السلام عليكم ورحمة الله وبركاتة
وأقولك درس مجانى
يادنيا انتى مش دايمة وأنا انسانك الفانى
بجد كلماتك جميلة جدا ومعبرة.
تحياتى
رميت الناى اللحن الحزين
لكن الدرس مش مجانى ده أخد من جوانا كتيييير
*********
كلماتك رائعة جداا
دام قلمك
ولو فكرتى تتعافى
عليا يا دنيا من تانى
هاقولك لأ كده كفايه
وأقولك درس مجانى
يا دنيا إنتى مش دايمه
وانا إنسانك الفانى
بجد رائعة جدا
تسلم الايادى
المقطع الاخير خلص كل الكلام
تحياتى
هو ده التفاؤلي بتاعك
ده انت عذاب ياعم
بس يعنى ارجع واقول ده برضه كلام مبشر بالخير
بس عاجبنى سلاسة الكلام ومعانيه الحلوه
تسلم ايدك يا محمد
Post a Comment