يا أما ليه؟؟
يا أما ليه شايفه وساكته؟
يا ام قلب أبيض وطاهر
ليه نهار الحق ولى؟
خلى ليل الظلم ظاهر
راح زمان الخيروعدى؟
جه زمان مليان مظاهر
**************
يا أما ليه االتوهه ديا؟
ليه مبترديش عليا!!!
يا أما خايف حبل شوقنا
يوم يضيع من بين إيديا
**************
يا أما صوتى راح خلاص
وإنتى قافله ليه ودانك؟؟
يا أما نبح الكلب فيكى
سامعه أوضح من أدانك!!!
**************
يا أما ليه واخده فى حضنك
بس دايما الكلاب؟
يا أما ليه سقيانى مرك
والشقى وألوان عذاب؟
يا أما تايهه منى صورتك
مش شايفها فى الضباب!!!
يا أما ليه أحلامى فيكى
مستحيله وم الصعاب؟
يا أما ليه بستان أمانك
مش بيطرح طرحه غاب؟
**************
يا أما مش باين هلالك!!!
يا أما ليه مكسور صليبك؟
يا أما ليه مش شاغله بالك!!!
يا أما قربت إنى اسيبك
يا أما عايش فيكى هالك
يا أما ليه ناسيه حبيبك؟
يا أما مكتوب فى كتابك
إن مش بتردى بابك
ليه مصره تبعدينى
لو بعدت صعب أجيلك
**************
قاسيه ليه بالذات معايا؟
يا أما كفنى كنت شايله
ليوم ما تحتاجى الحمايه
خلتينى ماشى لابسه
ماشى باتلفت ورايا
والنفس فى صدرى حابسه
ماشى باهرب من قضايا
يا أما أبوس إيدك كفايه
**************
يا أما خايف موت من إبنى
لما يكبر هيعاتبنى
جبته ليه مع إنى عارف
شكل أيامه اللى جايه؟
يا أما أسف بس خايف
خوف معشش فى الخلايا
يا أما والله ما عدت عارف
هوا إيه أخر الحكايه؟
**************
يا أما لو مت فى بحورك
لو حاولت أهرب بعيد
ولا مدفون بين صخورك
ولا فى قطر الصعيد
إوعى تنسى تحكى عنى
إنى عشت فيكى ميت
مت فيكى عشق يعنى
كنت ميت م البدايه!!
يا ام قلب أبيض وطاهر
ليه نهار الحق ولى؟
خلى ليل الظلم ظاهر
راح زمان الخيروعدى؟
جه زمان مليان مظاهر
**************
يا أما ليه االتوهه ديا؟
ليه مبترديش عليا!!!
يا أما خايف حبل شوقنا
يوم يضيع من بين إيديا
**************
يا أما صوتى راح خلاص
وإنتى قافله ليه ودانك؟؟
يا أما نبح الكلب فيكى
سامعه أوضح من أدانك!!!
**************
يا أما ليه واخده فى حضنك
بس دايما الكلاب؟
يا أما ليه سقيانى مرك
والشقى وألوان عذاب؟
يا أما تايهه منى صورتك
مش شايفها فى الضباب!!!
يا أما ليه أحلامى فيكى
مستحيله وم الصعاب؟
يا أما ليه بستان أمانك
مش بيطرح طرحه غاب؟
**************
يا أما مش باين هلالك!!!
يا أما ليه مكسور صليبك؟
يا أما ليه مش شاغله بالك!!!
يا أما قربت إنى اسيبك
يا أما عايش فيكى هالك
يا أما ليه ناسيه حبيبك؟
يا أما مكتوب فى كتابك
إن مش بتردى بابك
ليه مصره تبعدينى
لو بعدت صعب أجيلك
**************
قاسيه ليه بالذات معايا؟
يا أما كفنى كنت شايله
ليوم ما تحتاجى الحمايه
خلتينى ماشى لابسه
ماشى باتلفت ورايا
والنفس فى صدرى حابسه
ماشى باهرب من قضايا
يا أما أبوس إيدك كفايه
**************
يا أما خايف موت من إبنى
لما يكبر هيعاتبنى
جبته ليه مع إنى عارف
شكل أيامه اللى جايه؟
يا أما أسف بس خايف
خوف معشش فى الخلايا
يا أما والله ما عدت عارف
هوا إيه أخر الحكايه؟
**************
يا أما لو مت فى بحورك
لو حاولت أهرب بعيد
ولا مدفون بين صخورك
ولا فى قطر الصعيد
إوعى تنسى تحكى عنى
إنى عشت فيكى ميت
مت فيكى عشق يعنى
كنت ميت م البدايه!!
30 comments:
متخفش هتبقى شهيد
و هنقرا لك الفاتحة كمان
كلمات معبرة وبتدخل القلب بلا استئذان
انك تخاطب الوطن بصيغة الام أعطى للكلام بعدا أخر وأضفى لمسة من الحميمية على الكلام وجعل أثره أكبر
وأوقع
هذا المقطع أحسست فيه بقشعريرة
يا أما خايف موت من إبنى
لما يكبر هيعاتبنى
جبته ليه مع إنى عارف
شكل أيامه اللى جايه؟
تقبل تحياتي
كلمات جميلة اوى ومعبرة
تحية لقلمك
كلمات جميلة ورائعة
والام هى الحب الحقيقيى فى حياة كل انسان
مع خالص تحياتى
السلام عليكم
كان لازم تكون اول واحد اعلق فمدونته واشكرك في نفس الوقت .
احساسك عالي وحقيقي تحفه اوي تسلم ايديك
رحله البحث
الكلمات جميله جدا شملت كل انواع العتاب وكلها صحيحه
لكن اتأمل الرمز كدا اتأمل الصوره اللى اخترتها عشان تكون رمز امنا مصر دى صوره واحده منهكه تعبانه محتاجه للى يمد ايه ليها محتاجه للى ينشلها
محتاجه نساعدها مش نعاتبها
اتأمل تانى دى محتاجه علاج دى شكل واحده شقيانه ادت كتير وولادها امتصوها حتى النخاع وخصوصا ولادها اللى مش محتاجين هما اللى بيمصوا دمها وسايبينها بالمنظر ده
ما تزعلش منها هى برضه محتاجه لكم محتاجه لحضنكم لحد ما تتعافى
تحياتى
البوست حلو جدا
ثانيا مش عارفة اقولك اية على الكومنت اللى انت كاتبة
انا وانا عمالة اقراة بقول دى بنت و10 على 10
واكيد حصلها الموقف دة
لان اتخيل للحظة بانك شاب
ولما دخلت مدونتك وعرفت انك شاب
قلت احييك
والله العظيم انت بنى ادم بتفهم جدا
لان كل تعليقك اللى قلتة عندى حصل بالظبط
ان اتخطبت لواحد بن مامتة
واختة
وهو عديم الشصية
انت علقت وكانك كنت معايا بمشكلتى
انت بجد فظيع جدا
مش عارفة اشكرك ازاى
تحياتى
نشوى
الله الله الله
ايه الإبداع ده
عجبتني قوي
كلها على بعضها
ليه متنشرهاش في جريدة؟
حلوة بجد واحلى من مجرد المدونة
كلمات يتهيبها النقد والتلعيق
تقبل مروري
salamo alaykom.7amdoli alah 3ala salama ya m3alim.kida tamint inak bikhir.hamdoli allah.
ta7iyati wi bsara7a 3ajabitni ba3d al ma9ati3 khasatan ili bitkoun bisighit esoal.7ata ljawab nafso biykon 3ibara 3an soal .a3anaka allah
تقبل مرورى الاول ولن يكون الاخير باذن الله
بجد كلماتك اكثر من رائعة
مناجاة الام
والتوسل اليها فى كلمات لا تصدر الا من اديب متمكن
وكما قالت د.ستيتة تستحق النشر
تسلم يداك
ازيك يا محمد
:))
من الواضح انى بقيت باجى متأخر
هيييييييه دونيا الله يرحم ايام زمااان
اسفه على تقصيرى بجد
بس من الواضح بسم الله ما شاء الله انك راجع بقوووة جدااااااا
القصيده دى جامدة
لاء حلوه فعلا فعلا
واللى قبلها كماااان
يارب كده دايما منور مدونتك
فعلا قصيدة جميلة جداااااااا
تسلم ايدك
رحيل
انا زعلان منك وبرضه ممكن تزعلى منى
اصلك اختفيتى ومش بتسألى وانا قلت تبقى مشغوله فمسألتش
انا فى الشغل وراجع كمان اسبوع ان شاء الله
مبسوط انها عجبتك وبقيتى تيجى متأخر يا رحيل صحيح فين ايام زمان
ويارب دايما منورانى هنا
واكتبى بقى لانى ملاحظ انك مش بتكتبى من زمان
مانا لمافكرت قلت اكيد حد قريب حصلة كدة
لا مش تقلق
انا فرحانة جدا
وبحمد ربنا
وعلى فكرة انا اللى سبت الموضوع
لانى تعبت جدا من اسلوبة وضعف شخصيتة وتدخل اهلة
وعارفة ان ربنا شايلى حاجة احسن
لانى مش افتريت علية
وميرسي جدا لحضرتك
الله عليك
:)
انا منقطعة عن قراءة الشعر منذ زمن ..
عارف ليه؟؟
و لا اقولك .. مش وقته ..:)
المهم ان دة جميل ..
و الله وحشني الشعر الكويس ..
تسلم
عيسوى بك الكبير
اهلا وسهلا وياريت تقرا لى الفاتحه حتى لو لم امت شهيد
خواطر شابه
يسعدنى حضورك ومتابعتك لى
ان الوطن هوالصوره الاكبر للام
لانه من يحتضنا من تغطينا سماؤه وتحملنا ارضه ويفترض انه يحافظ علينا
سعيد جدا ان وصلاكى الكمات العاميه المصريه
فعلا المقطع دا بيمثل شعور حقيقى لانى دايما بافكر بعد عشرين سنه الوضع هيكون تردى الى اى حد
نورتينى يا فندم ويارب دايما
Ms Venus
شكرا لك على حضورك
وتحيه لوقتك الذى قضيتيه فى قراءه البوست
تامر نبيل
شكرا لحضورك ولو انى اشك انك قرأت البوست يبدو أنك قرأت العنوان فقط
عموما شكرا لحضورك
القمر الباكى
ربنا يخليكى واهلا بيكى فى عالم التدوين مع تمنياتى بالتوفيق
أمى العزيزه عطش الصبار
اعلم امى انها تحتاج للمساعده اكثر من العتاب
ولذك فلقد اخترت الصوره بعنايه وانتظرت من هو الذى او التى ستلفت انتباهه الصوره وكما تعودنا منكى على الحس العالى فكنتى انتى من لاحظها
لقد اخترتها امرأه تبدو عليها معالم الارهاق او الشقى ونستطيع ان نقول البؤس وقله الحيله ولكن ما راعى انتباهى فى الصوره اكثر هى ملامح الطيبه فمصر رغم كل شىء مازالت طيبه ولكن مغلوب على امرها
اوعدك انى سوف اساعد امى الحبيبه ما حييت
وعلى قد الزعل بيكون العتاب انا بس حبيت اقولها انا زعلان منك يا مصر مش كارهك لكن زعلان وواخد على خاطرى
جميلة كلماتك
وحبك لامنا
التى نحبها ونخاف ان لا تحبنا
وان تكون لا تحمل نفس المشاعر تجاهنا
تحياتى لك
حلوة اوي اوي
معبرة جداااا
ومؤلمة جداا
ورغم كل ده بنحبها.. مش بمزاجنا
تسلم ايدك
جميلة أوي ياباشا
كلمات قوية
يشرفني مروركم
كلماتك رائعه بجد
سلم قلمك
العيب مش في اما العيب في اللي كاتمين نفسها ..احسنت بجد ما يحسس بطعم الكلام ده الا اللي بعيد عنها...احسنت بجد وجيت ع الجرع...
جميلة اوي ومؤلمة جدا
وكلها شجن
قاسيه ليه بالذات معايا؟
يا أما كفنى كنت شايله
ليوم ما تحتاجى الحمايه
خلتينى ماشى لابسه
ماشى باتلفت ورايا
والنفس فى صدرى حابسه
ماشى باهرب من قضايا
يا أما أبوس إيدك كفايه
تحياتي
يا أما ليه بستان أمانك
مش بيطرح طرحه غاب؟
الله الله الله
يا أما كفنى كنت شايله
ليوم ما تحتاجى الحمايه
خلتينى ماشى لابسه
ماشى باتلفت ورايا
والنفس فى صدرى حابسه
ماشى باهرب من قضايا
روووووعة دا بجد
إوعى تنسى تحكى عنى
إنى عشت فيكى ميت
مت فيكى عشق يعنى
كنت ميت م البدايه
نهاية فووق فووق الروعة
تسلم ايدك بجد
رغم حزنها بس عالية الجودة
أرق المنى
هبة
عيطنا بقى يا محمد
الحمد لله لسه ما عيطتش
بس بجد جميله اوي اوي
وجايه على الجرح
ولا نقول الجروووووح
طبعا زمانك بتقول من دي الى بتقولي يا محمد كده كانها ساكنه قدام موقف بلدكم
هههههههههههههههههههههه
عموما انا هاسيبلك اوف لاين بقى
الله كلامك منتهي الجمال
بجد حلو اوي
هي ساكته ليه صحيح؟
وبعدين معاك
انت غبت تانى ليه بتقلقنا عليك
طمنا
فى انتظار بوست جديد
تحياتى
جميلة جداً ومعبرة جداً
بس ياريت في يوم الأم تسمع !!!
ويل انت بتحطنا فى اختبار بتشوف غلاوتك عندنا ولا ايه
Post a Comment