أعزائى المدونين إشتقت إليكم كثيرا ولكن لن على الرغم كل الظروف التى كنت أمر بها فهى ليس سبب إختفائى ولكن فيما يبدو أن أكل العيش إنتصر مؤخرا على وأصابنى بشلل فكرى حتى أنى لم أعد أحتمل الإمساك بالقلم عموما وحشتووووووووووونى كتيييييييييييييييييييييييييييييير
قطعه بازل
أشعر وكأننى قطعه بازل تخلت عنها باقى أصدقائها فى اللعبه لتصبح وحيده لا تشعر بالتوافق مع أى قطع من لعبه أخرى ويمزقها الشعور بإفتقاد القطعه المجاوره لها التى كانت تتوافق مع إنحنائتها ( التى يصعب التوافق معها ) ليصنعا سويا جزءا جميلا من الصوره الكبيرة
إقتربت أن تتم عامها الثالث بعد حوالى عشرة أيام من الآن لن تتخيلوا مدى سعادتى كلما وقعت عيناى عليها
أشعر وكأنها جزء منى هى بالفعل جزء منى أخذت منى كل أحلامى وطموحاتى كل يأسى إحباطى كل فرحى وكل أحزانى
هى مدونتى العزيزه رحله البحث
رحله بحثى عن اللاشىء وعن كل شىء
رحلة بحثى عن ما إفتقدته
ورحله بحثى عن ما أريد إكتسابه
إنها مجرد 000000
رحلة بحث
وبهذه المناسبه أعيد وضع أول بوست فى مدونتى العزيزه بعد بضعه تعديلات
إنسان
يا ناس أنا إنسان
والفكر فى دماغى
عامللى ميت شنيور
صحيح أنا غلبان
لكن أنا بفكرى كده مستور
ولا عمرى كنت جبان
ولا أرضى أكون مغرور
دا الدنيا دى ضلمه
والفكر هوا النور
قاسيه كده وظالمه
تبنى فى سور ورا سور
بينك وبين حلمك
وإياك تبان مكسور
حاول كده وعافر
قدامها كون مسرور
دا الدنيا دى ساقيه
يا صاحبى وإنت التور
عينك بتتغمى
تقعد تلف تدور
تطلع بقى الميه
على أرض ناشفه وبور
لا منها يوم تخضر
ولا أنت ترتاح دور
3 comments:
حمد الله ع السلامه
ويارب تكون بخير
الدنيا بتاخدنا اوقات بس اعتقد ان رابتطنا بمدونتنا بيرجعنا تانى خصوصا لما بنحس انها بتعكس روحنا
اسمحلى اقتبس كلماتك اللى عبرت بيها عن مدونتك بما ان انا كمان ليا رحلة بحث من اول ما عملت مدونتي
هى مدونتى العزيزه رحله البحث
رحله بحثى عن اللاشىء وعن كل شىء
رحلة بحثى عن ما إفتقدته
ورحله بحثى عن ما أريد إكتسابه
إنها مجرد 000000
رحلة بحث
اعتقد ان حياتنا كلها هتفضل عبارة عن رحلة بحث لن تنتهي
تحياتى وتقديرى
انا جيت اهو
قلت ارفع معدنياتك شويه
ياحفيد الغرباوى
الا اخبار عاصم ايه ومادى وكل البشر دول
ههههههههههههههههههههههه
اخيرررررررررررررررررررررا لقيت مدونتك لولا ردك عندى كان زمانى نزلت اعلان ادور عليك:)
دخلت على جوجل وعملت ريسيرش وموصلتش:(
بس خلااااااص عرفت الطريق:)
وبما انك الوحيد اللى شوفته الاول ومعرفتش دماغك فسيبنى باه اروح اعرف دماغك واقرا كل البوستات:)
انا مبسوطه انى عرفتك انت فعلا حد محترم دا انت اول واحد شوفته فى المدونين وشاورتلى وكان زمانى تايهه دلوقتى :))
Post a Comment