مقدمة لابد منها
كتبت هذا البوست متأثرا ببوست (قول بحبك ) على مدونه عطش الصبار التى تستحق فعلا المتابعة وقد يبدو أن بوست عطش الصبار مختلف فى الفكره عن البوست الهزيل الخاص بى ولكن أشعر بأن الفكره واحده فكرة الاحساس المفاجىء بمرور العمر
شكرا عطش الصبار على البوست الذى أثر فى أجل الأثر وأكرر سعادتى أخير بإنشائك للمدونة لأنى كنت أنتظرها منذ أن قرأت على مدونة روزا البوست الجميل جدا الذى يجمعكما سويا (أسامحك يا أمى وأحبك ) بتاريخ 17 يونيه 2007 وأنصح كل الأصدقاء بالإطلاع عليه
ملحوظه: روزا هى روزا الكل يعلمها وعطش الصبار هى أم روزا
لينك مدونه عطش الصبار
دخلت المتاههوكنت فاكرها
فى غاية التفاهه
لكنى فضلت
ألف لسنين
وألف السنين
على كف إيدى
ما يمكن تقولى
أخرج منين
دخلت المتاهه
دخلت المتاهه
وفضلت ماشى
أخطى الخطاوى
وإكمنى غاوى
أبص ورايا
وأشوف فى المرايا
سنينى اللى راحت
يمكن تقولى
سنينى اللى جايه
رايحه لفين
دخلت المتاهه
دخلت المتاهه
ولفيت كتير
ورجعت تانى
لنفس مكانى
على ضهرى شايل
هموم السنين
ذكرى وحنين
ودنيا بغباها
دخلت المتاهه
دخلت المتاهه
وداخل بطوعى
والحزن خارج
من بين ضلوعى
وكل ما تصعب
نفسى عليا
باحبس دموعى
وباطلق صداها
دخلت المتاهه
دخلت المتاهه
عيل صغير
والعمر فات
ولا شىء تغير
غير إنى أصبحت
عقرب ساعات
فاقد حياتى
عجزها وصباها
دخلت المتاهه
25 comments:
كلنا فى نفس المتاهه يامحمد
لكن صدقنى عمر ماسنينك الى فاتت هتقولك اللى جايه راحه على فين دايما الايام بتخبى حاجات كتير قوى بنصدم بيها بعد كده
ورجعت تانى
لنفس مكانى
على ضهرى شايل
هموم السنين
ذكرى وحنين
حسيتها قوي
والحزن مسجون
ماتمشيها الحزن سجين
توهت فى متاهتك وقلبت عليا المواجع
جميله وكويس انك مغبتش كتير المره دى
ربنا يوفقك دايما
تحياتى وتقديرى
بيتهيئلي لما نحس اننا فى متاهة بنبقى محاصرين ما بين أمنياتنا وواقعنا.. وبننسي نعيش حياتنا علشان كدة بنحس اننا تايهين أو ان العمر جري مننا فجأة
الكلمات المنظومة جميلة ومعبرة
تحياتي
السلام عليكم و رحمة الله و بركاته
هو رغم أن دى حقيقة إننا بنفضل نلف و ندور فى ساعتنا
لكن اللى يخرج من ذكرياته بس بهموم شايلها على ضهره
من غير ما يتعلم منها
من غير ما يعرف ازاى يعيش اللى جاى صح
أو على الاقل يحاول
يبئا خرج من الحياة بلا قيمة
لازم نتعلم
و نتعلم إزاى نتعلم لو مش عارفين
عشان ببساطة
عمرنا محسوب علينا
دمت بود
المداونة فعلا حلوة و شكراً على التعليق و ياريت نكمل و نتواصل مع بعض
يااااااااااااااااااااااااااااه لو تعرف تاثير كلامك الجميل عن مدونتى ايه واللهى مش مصدقه عارف كلامك ادانى ثقه فى نفسى وفرحنى جدا
ااقلك نفسى اكتب كلام كتير لكن تاثير كلامك خلانى مش لاقيه كلمه توفيك حقك لكن هقولك انت وكل اولادى وبناتى المدونين والمدونات بحبكم واشكركم على تواصلكم معايا
الحقيقه لما قريت البوست الرائع الموجع المتاهه قلت لنفسى ياه ليه الشباب عايش بالاحساس الموجع ده دول لسه صغيرين ولازم يتحدوا الياس ده
ولسا هدخل واعلق على البوست سمعت التترات بتاعه برنامج الطبعه الاولى لاحمد المسلمانى قلت الاول اشوف البرنامج وبعدين اكلمك عن الامل وبكره احلى من النهاردهلقيت بتكلم عن الاتى
العلماء بتوع مركز البحوث اللى اكتشفوا مصل لعلاج انفلونزا الطيورتم ايقاف ابحاثهم وطبعا كلنا عارفين ليه
من نفسه كدا فتحى سرور ارسل خطاب تعاطف للكنيست الاسرائيلى انه ضد المحرقه يا سلام
بيع صرح ضخم من صروح الصناعات الوطنيه اللى هى شركه النصر للسيارات
وغيره وغيره من الاخبار حسيت فعلا بالمتاهه حسيت ان عقلى مش قادر يستوعب وفضل لسانى يرددمن غير ما اشعر ليه كدا ليه كدا
دخلت المتاهه
وداخل بطوعى
والحزن خارج
من بين ضلوعى
وكل ما تصعب
نفسى عليا
باحبس دموعى
وباطلق صداها
يارب ييجى يوم واثناء رحله البحث الى ابتديتها تلاقى اى امل واكيد هتلاقيه قلبى معاكم ياولادى وبناتى شكرا مره اخرى على مرورك
من الواضح ان المتاهة بقت من سمات المرحلة
و الواحد مش عارف يرجع و لا عارف يطلع من الناحية التانية
طب بص بما ان واضح ان كلنا في نفس المتاهة بس كل واحد في مكان نفضل نزعق و نصيح لحد منتجمع كلنا
و نخلينا في مكانا و ننضف النتاهة و نظبتها و نعيش بقي
:))
دمت بود
أحمد
وإكمنى غاوى
أبص ورايا
وأشوف فى المرايا
سنينى اللى راحت
يمكن تقولى
سنينى اللى جايه
رايحه لفين...
ابدااااع..
تسلم ايديك..
بيسو
أنا اتاخرت عليك بس النت كان فاصل ..
شكرا لإبحارك في مدونتي ... وشكرا لزيارتي ..
سيدوم الود متصل بإذن الله
كلام فوق الرائع
ومدونه تحفه
ربنا يوفقك ان شاء الله
جميلة جدا وربناغ يطلعنا من أي متاهة
استمري في الكتابة
تحياتي
كلامك بيفكرني بأغنية دواير
اللي كتبها الأبنودي وغناها مروان خوري
بتاعة فيلم أوقات فراغ
باستثناء خطأ املائي بسيط..واستعجال في القفلة :) موهبتك محدش يقدر ينكرها
تسلم إيدك يا باشمهندس..وربنا يخرجنا من المتاهة علي خير
طب وبعدين
حاتفضلوا سايبينوا كدة
انتوا يا اللي هنا
حاتفضلوا سايبين الراجل عمال يلف كدة في المتاهة مش لاقي اللي يرسيه
:)
حلوة كلماتك اووووووي
اول زيارة ليا هناهوه
وما اظنش ابدا انها حاتكون الاخيرة
;)
miro el niro kwaniro
رحله البحث
انت هترجع من الرحله امتى
مفتقدينك
في انتظار جديدك
تحياتي
رحله البحث انت دخلت المتاهه فعلا ولا ايه طمنا عليك ياابنى العزيز
انت فين قلقنا عليك انت مسافر ولا مكتئب احنا فى انتظارك بليز طمنا
السلام عليكم
ازيك يا غالي اخبارك ايه اتمني تكون بالف خير وسلامه,انا بعتذر اني مقصر في زيارتك بس انت عارف اني واخد اجازه طويييله من التدوين,وبعدين يا باشا انا مقدرش علي زعل انسان جميل زيك ,وبجد انت كمان وحشتني ووحشتني موضوعاتك وكلامك الجميل ,وان شاء الله حين تتحسن ظرووفي وظروف شغلي هبعتلك اميلي وهتعرف اكتر علي انسان جميل زيك
مره اخري متشكر جدا ليك ربنا يحفظ يا غالي
سلسه جدا
قويه ومعبره
مودتي :)
انت فين؟
بجد حتي طمننا عليك
او ابعت ايميل
يارب خير ان شاء الله
تحياتي ودعواتي
أولا .. الكلمات بسيطة جدا بس عارفة هي رايحة فين كويس
مش عارفة ان كنت حسيتها انا صح ولا حاستها بايحاء من فكرة الغربة اللي مسيطرة علة انطباعاتي
لكن حسيتك بتكلم الغربة في صورة المتاهة.. و انا مؤمنة ان أكبر ميزة في الكلمات الجميلة انها تكون سهلة انها تتشكل مع كل وجدان بيقراها او بيسمعها
ده كان اولا
اما ثانيا هي روزا و ام روزا .. الحالة اللي بقف قدامها كتير و بتعلم منهم كتير و بتمنى دايما لقلبي يستمد منهم صفاتهم و يكون زيهم
الكلمات بسيطه بس معبره قوي عن حالنا كلنا
بس عارف ... في يوم لازم هتلاقي طريق للخروج من المتاهه دي .. عمرها ماهتفضل مقفوله
طول مانت بتدور على طريق الخروج مسيرك هتخرج
وإكمنى غاوى
أبص ورايا
وأشوف فى المرايا
سنينى اللى راحت
يمكن تقولى
سنينى اللى جايه
رايحه لفين...
حلوة اوى اوى يا جوجو....
وفاء
متقولش دخلت المتاهة
قول ازاى اخرج من المتاهة
...تحياتى
الحياة كلها رحلة بحث
Post a Comment