Sunday, April 12, 2009

تنوره



محبوس فى تنوره

بلوره مسحوره

بالف مش شايف

حواليا غير صوره

مهزوزه مبتوره

أجسام بلا ملامح

فى الكون أنا سارح

لا بكره وإمبارح

ولا يومى شاغلينى

وهما شايفنى

ألوان ورا ألوان

ترقص وبتغنى

تعزف كمان ألحان

من يأسى مقهوره

وغريبه أكون محبوس

وفى الفضا سارح

إحساسى ليه ميئوس

منه وليه جارح

وليه يا قلبى مصر

دايما وبتأوح

مكتوب عليا وفرض

مصلوب يوماتى فى عرض

لا راسى طايله السما

ولا رجلى لامسه الأرض